home

Aankhon Mein Koi Khawab Utarne Nahi Deta

Wed, 07 Sep 2016 12:42:14 +0100

Aankhon Mein Koi Khawab Utarne Nahi Deta

Mohsin Naqvi

Aankhon Mein Koi Khawab Utarne Nahi Deta
Ye Dil K Mujhe Chain Se Marne Nahi Deta

Bicharay Tou Ajab Pyaar Jatata Hai Khaton Mein
Mil Jaye Tou Phir Had Se Guzarne Nahi Deta

Wo Shaks Khizan Rut Mein Bhi Mohtaat Rahay Kitna
Sokhay Hoye Phoolon Ko Bikharne Nahi Deta

Ik Roz Teri Pyaas Khariday Ga Wo Ghabro !
Pani Tujhe Panghat Se Jo Bharne Nahi Deta

Wo Dil Mein Tabassam Ki Kiran Gholne Wala
Roothay Tou Ruton Ko Bhi Sanwarne Nahi Deta

Mein Us Ko Manaon K Gham-e-Dehar Se Uljhon ?
“Mohsin” Wo Koi Kaam Bhi Karne Nahi Deta

Zara Si Dair Mein Ham Kaisay Kholtay Osko

Wed, 07 Sep 2016 12:40:35 +0100

Zara Si Dair Mein Ham Kaisay Kholtay Osko

Mohsin Naqvi

Zara Si Dair Mein Ham Kaisay Kholtay Osko
Tamaam Umer Lagi Jhoot Boltay Osko

Jisay Kasheed Kia Tha Khumaar-e-Khushbuu Se
Misaal-e-Rang Hawaaon Mein Gholtay Osko

Wo Khwaab Mein Hee Utarta Shuaa-e-Subah Ke Saath
Ham Apnay Aap Hee Palkon Pe Toultay Osko

Wo Ashk Tha Ose Aankhon Mein Dafan Hona Tha
Gohar Na Tha Ke Sitaaron Mein Roltay Osko

Wo Be-Wafa Tha Tou Iqraar Lazmi Karta
Kuch Aur Dair Meri Jaan Tatoltay Osko

Kisi Ki Aankh Se “Mohsin” Zaroor Peeta Hai
Tamaam Sheher Ne Dekha Hai Doultay Osko

Nazar Mein Zakham-e-Tabassum Chhupa Chhupa Ke Mila

Wed, 07 Sep 2016 12:40:00 +0100

Nazar Mein Zakham-e-Tabassum Chhupa Chhupa Ke Mila

Mohsin Naqvi

Nazar Mein Zakham-e-Tabassum Chhupa Chhupa Ke Mila
Khafa Tou Tha Wo Magar Mujh Se Muskura Ke Mila

Wo Hamsafar Ke Mere Tanz Pe Hansa Tha Bohat
Sitam Zareef Mujhe Aaina Dikha Ke Mila

Mere Mizaaj Pe Hairaa.n Hai Zindagi Ka Shaoor
Mein Apni Mout Ko Aksar Galay Laga Ke Mila

Mein Os Se Maangta Kia Khoon Bahaa Jawaani Ka
Ke Wo Bhi Aaj Mujhe Apna Ghar Luta Ke Mila

Mein Jis Ko Dhoond Raha Tha Nazar Ke Rastay Mein
Mujhe Mila Bhi Tou Zaalim Nazar Jhuka Ke Mila

Mein Zakham Zakham Badan Le Ke Chal Dya “Mohsin”
Wo Jub Bhi Apni Qabaa Per Kanwal Sajaa Ke Mila

Phira Hun Saaray Zamanay Mein Darbadar Kaisay

Wed, 07 Sep 2016 12:39:24 +0100

Phira Hun Saaray Zamanay Mein Darbadar Kaisay

Mohsin Naqvi

Phira Hun Saaray Zamanay Mein Darbadar Kaisay
Mein Tere Baad Bhi Zinda Raha Magar Kaisay ?

Wo Jaanta Hai Ke Kuch Roz Wo Nahi Tha Tou Mein
Pukaarta Raha Os Ko Idhar Udhar Kaisay

Mein Jis Ke Hijr Mein Roya Hun Paaglon Ki Tarah
Wo Kal Mila Tou Hansa Mere Haal Per Kaisay

Azeez-Tar Thi Jisay Neend Shaam-e-Vasl Mein Bhi
Wo Tere Hijr Mein Jaaga Hai Umer Bhar Kaisay

Kahan Ki Dosti , Kaisa Firaaq , Kon “Mohsin” ?
Mein Khud Ko Bhool Gaya Tujh Ko Bhool Kar Kaisay

Junoon Main, Shauq Ki Gehraiyon Se Darta Raha

Wed, 07 Sep 2016 12:38:34 +0100

Junoon Main, Shauq Ki Gehraiyon Se Darta Raha

Mohsin Naqvi

Junoon Main, Shauq Ki Gehraiyon Se Darta Raha,
Main Apni ZaaT Ki Sachaiyon Se Darta Raha…

Mohabton Se Shanasa Huwa Main Jis Din Se,,
Phir Us K Baad Shanasaiyon Se Darta Raha..

Wo Chahta Tha K Tanha Miloon To Baat Kre,,
Main Kya Krun K Main Tanhaiyon Se Darta Raha..

Mein Regzaar Tha Mujh Main Basay Thay Sanaatay,,
Isi Liye To Main Shehnaiyon Se Darta Raha..

Main Apne Baap Ka Yousuf Tha is Liye Mohsin..!!
Sakoon Se, So Na Saka Bhaiyon Se Darta Raha…!!

Fasl-e-Khirad Hai Rung-e-Chaman Dekhtay Chalo

Wed, 07 Sep 2016 12:38:09 +0100

Fasl-e-Khirad Hai Rung-e-Chaman Dekhtay Chalo

Mohsin Naqvi

Fasl-e-Khirad Hai Rung-e-Chaman Dekhtay Chalo
Phir Ehtmaam-e-Daar-O-Rasan Dekhtay Chalo

Dilchasp Waqea Hai Ke Sehra Ki Dhoop Mein
Zarro’n Ka Jal Raha Hai Badan Dekhtay Chalo

Tanqeed Mat Karo Ke Zamana Kharab Hai
Chup Chaap Dosto’n Ka Chalan Dekhtay Chalo

“Mohsin” Shab-e-Siyaah Bhi Orhay Huay Hain Aaj
Shaffaaf Chandni Ka Kafan Dekhtay Chalo

Sambhala Hai Hosh Jab Se Muqaddar “Sakht Tar ” Nikla

Wed, 07 Sep 2016 12:37:11 +0100

Sambhala Hai Hosh Jab Se Muqaddar “Sakht Tar ” Nikla

Mohsin Naqvi

Sambhala Hai Hosh Jab Se Muqaddar “Sakht Tar ” Nikla
Para Hai Vaasta Jis Se Wohi “Teer-o-Tabar” Nikla

Sabaq Deta Raha Umr Bhar Jo Roshan Khayali Ka
Usay Bhi Jab Paas Se Dekha Tou “Tang Nazar” Nikla

Samajh Kar Zindagi Jis Se Mohabbat Kar Rahay Thay Hum
Usay Jab Chhuu Kar Dekha Tou Faqat “Khaaki Bashar” Nikla

Mohabbat Ka Khumaar Utraa Tou Saabit Howa “Mohsin”
Jisay Hum Umr Samajh Rhay Thay Faqat “Be Maqsad” Safar Nikla

Mere Qaatil Ko Pukaro Kay Main Zinda Hoon Abhi

Wed, 07 Sep 2016 12:36:45 +0100

Mere Qaatil Ko Pukaro Kay Main Zinda Hoon Abhi

Mohsin Naqvi

Mere Qaatil Ko Pukaro Kay Main Zinda Hoon Abhi
Phir Say Maqtal Ko Sanwaro Kay Main Zinda Hoon Abhi

Yeh Shab-e-Hijar To Sathi Hai Meri Barson Say
Jao So Jao Sitaro Kay Main Zinda Hoon Abhi

Yeh Pareshaan Say Gaisu Daikhay Nahi Jatay
Apni Zulfun Ko Sanwaro Kay Main Zinda Hoon Abhi

Laakh Moujon Main Ghira Hun, Abi Dooba Tou Nahi
Mujh Ko Sahil Say Pukaro Kay Main Zinda Hoon Abhi

Qabr Say Aaj Bhi “Mohsin” Ki Aati Hai Sadaa
Tum Kahan Ho Meray Yaroo Kay Main Zinda Hoon Abhi

Maqrooz Ke Bigrray Huye Halaaat Ki Maanind

Wed, 07 Sep 2016 12:36:00 +0100

Maqrooz Ke Bigrray Huye Halaaat Ki Maanind

Mohsin Naqvi

Maqrooz Ke Bigray Huye Halaat Ki Maanind
Majboor Ke Honton Pe Sawaalaat Ki Maanind

Dil Ka Teri Chaahat Mein Ajab Haal Hua Hai
Sailaab Se Barbaad Makaanaat Ki Maanind

Mein Un Mein Bhatkay Howay Jugnu Ki Tarah Hun
Usss Shakhs Ki Aankhain Hain Kisi Raat Ki Maanind

Dil Roz Sajaata Hun Mein Dulhan Ki Tarah
Gham Roz Chalay Aatay Hain Baaraat Ki Maanind

Ab Ye Bhi Nahi Yaad Ke Kya Naam Tha Os Ka
Jis Shakhs Ko Maanga Tha Manaajaat Ki Maanind

Kis Darja Muqaddas Hai Tere Qurb Ki Khwaahish
Maasoom Se Bachay Ke Khayaalaat Ki Maanind

Uss Shakhs Se Mera Milna Mumkin Hi Nahi
Mein Pyaas Ka Sehra Hun Wo Barsaat Ki Maanind

Samjhao Mohsin Us Ko Ke Ab Reham Kare
Dukh Baant’ta Phirta Hai Woh Soghaat Ki Maanind

Aaj Saqi Sharaab Rehnay Do

Wed, 07 Sep 2016 12:35:37 +0100

Aaj Saqi Sharaab Rehnay Do

Mohsin Naqvi

Aaj Saqi Sharaab Rehnay Do
Tishnagi K Azaab Rehnay Do

Ponch Dalo Na Aankh Se Kaajal
Kuch Tou Khanjar Pe Aab Rehnay Do

Tum Sanwaro Apni In Zulfon Ko
Meri Halat Kharab Rehnay Do

Chaand Badal Main Acha Lagta Hai
Adhay Rukh Pe Naqab Rehnay Do

Un K Chehry Ki Baat Ho Jaye
Aaj Zikr-e-Gulab Rehnay Do

Un Ki Chokhat Ko Choom Lo “Mohsin”
Baki Saray Sawaab Rehnay Do….!!